خلاص كدة خلصت الحكاية

للدرجادى انا هنت عليك
وقدرت تبعد ايديا عن ايديك

دا انا مكنتش بتمنى الا رضاك
وياما 00ياما استحملت ظلمك وجفاك

مش قادرة اصدق انك قدرت تنسانى
ومحيت من ذاكرتك كل ايامى واحلامى

مكنتش اتصور انى اموت على ايدك ؟؟
ايوة فعلا انا مت قدام عنيك

مت فى كل لحظة سبتنى فيها
مت فى كل كلمة قولتها ومحستش بيها
مت فى كل دمعة علشانك بكتها وشكيت انت فيها
مت فى كل يوم عدى وانت مش جمبى ويايا

كنت مستنياك ترجع ليا تانى
ترجعلى تداوى فى احزانى

استنيتك ترجع تزيل عنى دمعتى
لكن بغيابك واللة حرمتنى حتى من بسمتى

يعنى مفتكرتش ليا كلمة حلوةفى يوم ليك قولتها
ولا دمعة من عينى فى البعد عنك نزلتها

صدقنى انا خايفة كتير عليك
خايفة تشوف اللى عملتة فيا بعنيك

لو عليا انا وربى مسمحاك 000مسمحاك
حتى حبى هنساة وانا خلاص مش عيزاك

بس خد بالك علشان كدة ان الاوان
يخلص غيرى منك اللى عملتة فيا زمان
00000000000000000000000000

حلوه كتر وكمان غيرى هو اللى هيخلص دى

هيخلص من مين واللة حرام عليك
هو انت عامل فيها مظلوم كدة علطول
دا انت مقولتش كل سنة وانتى طيبة
حتى

جائنا البيان التالى

خلاص خلصة الحكايه
ياترى مع سوما هى دى النهايه
ولا للحياه وللحب كانت بدايه
المهم ماتخلصش الكلمات الشاعريه
عشان تشجينا بيها سوما الشقيه
وهذا مانعرفه معا فى همسات حائريه
انتظرونا قريبا مشاعر حصريه

يا اللة عليك انت شاعر مش بطال
غرور بقى
ربنا يخليك بجد على مرورك الكريم

تسلم الاياااااااااااااااااادى والاحساااااااااااااس اكتر

soma كتب:

يا اللة عليك انت شاعر مش بطال
غرور بقى
ربنا يخليك بجد على مرورك الكريم

يعنى ايه بئى دى اخرتها

مش بطال


وكمان مغرور


جزاك الله خيرا

the king of love كتب:

تسلم الاياااااااااااااااااادى والاحساااااااااااااس اكتر

مرسى ليك يسلم مرورك

يعنى مارديتيش


انا عايز حقى وافهم

انت عايز تغلطنى وخلاص
طيب شوف بقى
اول حاجة انا بقولك انا اللى اتغريت من كلامك الجميل
فبقولك يعنى انك شاعر مش بطال بس مش احسن منى
مهو اللى يلاقى دلع وميدلعش ربنا يحسبة

كدة وصلت بقى

مانا فاهم منن الاول
بس بدلع عليكى
واضايقك شويه

عندك مانع

بقى كدة طيب ماشى يا ليدر
مردودة قريب ان شاء اللة
بس ادعيلى اروق بس شوية

كلام جميل و احساس اجمل

وايه بئى اللى مخليكى مش رايئه


انا عارف ان فى حاجه كبيره عندك مضايقكى
من ساعت مارديتى على الموضوع ( من انت )


عالعموم


( اللهم انت عالم بحالى من فاكشف الكرب عنى )

nour anny كتب:

كلام جميل و احساس اجمل

دودو حبيبى ربنا يخليكى ليا

ياة على الدعوة دى كانت فين من زمان
وبعدين ..فمن طرفة عين وانتباهتها يبدل اللة
من حال الى حال ..

متجيش عليا اوى كدة لحسن انا على الاخر
بجد واللة وربنا اللى عالم بيا

جيت عليكى فين بئى
كل اللى عملته بدعيلك

واماتجيش على الاخر اوى كدا لان هتقعى

انا وقعت فعلا من نظر نفسى فى حاجات كتير
وكتير ظلمتها معايا 00000

لالالالالالالالالالالالالالالا


دا الموضوع دخل فى الجد كدا


بجد سوما استرخى مع نفسك واهدى

وزى ماقلتلك فى موضوع من انت

اجعليها نقطة بدايه وابتسمى من جديد
ورتجعليها نقطة الم وندم


مش هئولك افرحى وانسى والكلام المعتاد

لا هئولك احرزنى وابكى
بس من اجل تفريغ ماعندك من شحنات
واكتبى مبدا البدايه وتغير ماوقع منك

وبجد اولى خطوات السعاده وتكوين الشخصيه الناجحه
هو الاحساس بوقعها والحزن عليها


فاستخى وابدئى


( اللهم انت باعلم بحالى منى ففرج الكرب عنى )

ياريت اقدر اعمل كدة بس مش قادرة
اعمل حاجة غير البكا وخلاص
بس اكيد هرجع تانى اقوى من الاول لدرجة
انى ممكن اجرح ناس ملهاش ذمب

دا ميبقاش رجوع

دا يبئى انتقام
والانتقام لا يعرف ما امامه



وبعدين ليه مش قادره

معلش حاولى كدا تقدى جلسة استرخاء

على النيل
على السطوح


تكون فيها كل الهدوء ولاتسمع اى صوت ولو حتى اغانى

وانظر النظره الاجابيه دائما
وهى هتحدثك ب
ماذ بك
فردى عليها واخرجى ماعندك
ثم
لماذا انا هكذا
ماذا تريد
وماذا سافعل


مالنتيجه النهائيه لما انا فيه
ولما سافعله

بعد هذا الحوار


ارجو بالوضوء بالماء الساقع
والجود بركعتين
( و الله انت اعلم بحالى منى ففرج الكرب عنى )


هذا وكان راى

مش عايزة اواجة اى حد ولا حتى نفسى
انا اصلا بحب اقعد لوحدى بس لاول مرة
يخونى احساسى 000
وحقيقى مش قادرة اعمل حاجة خالص
لانى ظلمت نفسى بجد وحسة بكدة
انى بردلها حقها اللى انا ضيعتة بايدى

لو مش قادره تقعدى مع نفسك
اماتل هتعدى مع مين
مفيش اى حد فى الدنيا اقرب منك الا انت
ولا احد يفهمها وريعرف نواياها الا انت


هو ممكن مجرد خوف
ممكن مجرد شيطان

بس لازم تكسر الصنوق وتخرجى براه


مانا قلتلك ايه النهايه يعنى
هتسيبى نفسك كدا


اكيد هتقولى لا


ففرغى الشحنه السلبيه زى ماقلتلك واجلسى واستعينى بالله


وبلاش الاصرار على الاتجاه السلبى



ةبعدين بئى اعدى فى حته فى اى قسم عشان مش هتنينى رايح جاى بالاتوبيس
شكلى هانزل واخد تاكسى

هتنينى 0000
انت من المنوفية صح
خلاص اللى عايزة ربنا هيكون
وياما دقت على الراس طبول
بس اصل الخبطة كانت جامدة المرة دى قوى
ومش من مقدورتى اعمل حاجة غير انى اهرب منها وخلاص

اولا
انا من طنطا


ثانيا
كل كلامى داه مش عشان تقولى اللى يريده ربنا واكلام داه

وبعدين حصل داه ايه كله عشان طبول الحرب تقرع كدا يعنى
لا توكلى ولا تتواكلى

يعنى اعملى وحاولى اللى انا قولتهولك وتوكلى على الله